Mga aspiring candidates, ilabi na mga magapapili bilang independent candidates sa Bacolod ginapanugyan nga magfile sang ila mga certificate of candidacy antes sang October 8.
Matawhay kag nagapabilin nga may duha pa lamang ang mga nakafile sang ila mga certificate of candidacy humalin sang nagsugod ang filing sang COC sang Oktubre 1 sa Comelec-Bacolod.
Pero ginapaabot ni Election Officer Atty. Revo Sorbito nga mangin masako ang last day sang filing sa Oktubre 8 bangud may separado nga grupo nga maga-file sang ila COC.
Gani nagapanugyan si Sorbito sa mga aspiring candidates ilabi na mga magapapili bilang independent nga kun mahimo mag-file sang temprano sang ila COC agud makalikaw sa kasakuon sa deadline.
Sanday anay Mayor Evelio Bing Leonardia kag anay seaman nga si Romy Gustilo nga lunsay nagfile sang COC sa pagka-kongresista amo pa lang nabaton nga kopya sang COC sang COMELEC as of press time.