Masobra na duha ka tuig nga wala makabalik sa ila palangabuhian ang kapin 200 ka mga katapo sang Luzuriaga, Gatuslao, Gonzaga Araneta Brotherhood Vendors Association ukon Luggar.
Kalabanan sa ila nadulaan sang pwesto resulta ginpatuman nga clearing operation sandig sa mandu sang Department of Interior and Local Government sang 2019.
Ang mga opisyal sang vendors association ang nagpadulong na kay Councilor Celia Flor nga nagapamuno sang Committee on Markets and Slaughterhouse agud ihinyo nga matagaan sila sang kahigayunan nga liwat makabaligya sa downtown area.
Suno kay Cora Tabaquirao, presidente sang Luggar, naghinyo man sila sang bulig sa siudad agud mapatuman ang mga nakasugtan nga regulasyon ilabi na karon nga kadam an sa ila mga anay pwesto ang gina akupar na sang manugbaligya nga indi nila miyembro.