Yara na sa estable nga kondisyon ang army matapos magluntad ang pagpaniro sa Purok San Roque Brgy. Handumanan pasado las 12 sang kaagahon kahapon.
Ang mga biktima ginkilala kay Jasper Romas Gancia, 34-anyos na-assign sa 8th Scout Ranger, Camp Ranao, Lanao Del Sur sa Marawi City.
Pilason man iya nga nobya nga ginkilala sa kay Merryll Tuvilla, 24-anyos kag ang amay sini nga si Teodoro Tuvilla, 71-anyos.
Suno sa kay Police Captain Lelanie Lagoting ang Station Commander sang Bacolod City Police Station 10, nagkadto sa balay sang iya nga nobya si Gancia bangud nga birthday sang iya amay.
Nagwa ang amay agud magbakal kuntani sang sigarilyo.
Namangkot siya sa tatlo ka mga lalaki kun diin makabakal sang sigarilyo apang nagluntad ang komosyon tubtub nga ang isa sa mga suspek nagkuha sang pusil.
Nakita sang army nga nagkuha sang armas ang isa sa mga suspek kag gilayon man ini nag kuha sang iya nga service fire-arm kag nagluntad ang pagpinukutay tubtub nga natiruhan ang biktima sa tiyan.
Nakaagum sang pilas ang nobya sang biktima kag iya amay. Nakuha sa lugar sang insidente ang 11 ka mga basiyo kag isa ka bala sang cal 45 pistol.
May persons of interest na ang PNP sa natabo nga pagpaniro.