Gin aresto pinaagi sa citizen’s arrest ang armado nga lalaki sa Barangay Isugan sa Bacong, Negros Oriental las dose kinse sang kaagahon kaina.
Nakuha kay Roger Sara ang isa ka Norinco .45 caliber pistol, tatlong mga wala unod nga magazines, kag 37 mga bala. Wala siya sang may napakita nga dokumento para sa iya nga pusil.
Isa ka residente ang nagtawag sa PNP para sa police assistance kag gilayon siya nga ginkuha sang mga pulis para maimbestigahan. Ginahibalo pa sang otoridad kun ngaa may dala siya nga pusil.
Pasakaan siya sang kaso nga pagsupak sa Comelec gun ban kag illegal posession of firearms and ammunition.