Pamuno sang 3rd Division sang Philippine Army ang nagapahanumdom sa mga opisyales kag sa mga maga kandidato nga iligal ang paghatag sa extortion ukon pagpangilkil sang rebeldeng NPA.
Suno kay Major General Benedict Arevalo ang bag-o nagpungko nga commander sang 3rd Division sang Philippine Army dapat nga ang mga government officials indi maghatag sa kasubong nga mga hilikuton bangud indi eksakto nga mag suporta sa kasumpong sang gobyerno. Kun may kabalaka sa bahin sa ila nga seguridad sarang nga magpakig angut sa militar suno kay Arevalo.
Ginkasugtan na nga ang mga report nga ila ma monitor angut sa mga local chief executive nga naga suporta sa npa ang ipatuhoy na sa National Task Force – End Local Communist Armed Conflict
ukon sa Department of the Interior and Local Goverment agudto malikawan na ang pagbungguanay pa sang ayhan mga natungdan nga local chief executive kag militar.
Nag courtesy call si Arevalo kay Negros Occidental Governor Eugenio Jose Lacson. Suno sa iya padayon ang paglagas sang militar sa rebedleng hublag lakip na ang mga opensiba.
Magapadayon man ang mga programa nga naga benepisyo sa mga kabaranggayan sa idalom sang ELCAC.