Kaso nga Estafa kag pagsupak sang Section 9 of Republic Act 11235 ukon pag-gamit sang motor sa paghimo sang krimen ang mga kaso nga ipasaka batok sa manug-install sang atop nga nadakpan matapos nag gamit sang peke nga kwarta.
Domingo, Hunyo 14 sang nagpa-cash in sa isa ka mobile payment services app ang 24-anyos nga suspek sa isa ka tiyangge sa Barangay Mailum, Bago City.
Maayo lang kay natukiban sang tag-iya ka tiyangge nga peke ang P10,000 nga cash nga igabayad kuntani sang lalaki kag wala niya pa na-confirm ang transaction.
Ginpunggan nila ang lalaki, nga naka-helmet, nakasuksok sang mask, naka-long sleeves kag may service nga motorsiklo. Suno sa lalaki, indi iya ang kwarta kag halin ini sa iya nga migo.
Ang suspek ang taga Brgy. Napoles sa Bago City, kag sang Mayo 18 lang nakapauli gikan sa Libertad Poblacion sa South Cotabato.
Nagpanugyan naman ang kapulisan sa mga store owners nga busisi-on sang maayo ang bills nga ila nagakabatonan agud indi mabiktima sang peke nga kwarta.
“The Bangko Sentral are changing our bank notes to increase security features sang aton nga kwarta. Dugay na ni nga mga modus operandi most likely sa mga far-flung areas, ma-busy nga mga stores, especially mga tigulang ang nagabantay, nga waay much more knowledge sa ginatawag nga fake ukon counterfeited nga mga bills, in which mabiktima gid sila. Ang case sa Bago City Component Police Station ang nangin successful ang awareness nga ginhimo sang aton mga kapulisan subong man ang other agencies involved nga mahatagan awareness ang aton mga nagabaligya or naga-negosyo para indi sila mabiktima pareho sini nga insidente sa pag-gamit sang fake money”, suno kay Capt Judessed Catalogo, spokesperson sang Negros Occidental PNP.
[sibwp_form id=1]