Kun indi ma resolve kag may yara gid man sang maga bungguanay nga katapo sang Love Negros kag United Negros Alliance daku ang posibilidad nga maga deklara sang zona libre.
Ini suno kay Negros Occidental Governor Eugenio Jose Lacson nga isa sa mga pamuno sang Love Negros.
Wala pa man sila sang pat-od nga mga lugar nga may pag bungguanay sa tunga sang katapo sang Love Negros kag UNegA pending sang final decision sang mga natungdan suno kay Lacson.
Ang siudad sang Kabankalan ang isa sa mga ginabantayan karon. Ginapaabot ang desisyon ni anay mayor Isidro Zayco bahin sa 2025 mayoralty race.
Siya ang katapo sang Love Negros.
Damlag pa, ginsiling man ni Board Member Valentino Miguel Alonso nga katapo sang UNegA nga interesado siya mag papili bilang mayor sang Kabankalan sa 2025.
Suno kay Lacson sya ang maga pakig-angut pa kay Mayor Albee Benitez bahin sa ila man pagsapol sa Love Negros para maplastar ang ila line-up sa 2025 Elections.
Kahapon naman ginsiling ni Vice Governor Jeffrey Ferrer nga Presidente sang UNegA nga sa September 7 may yara sila sang general assembly.
Gina lauman man nila nga ma resolve ang gina paabot pag bungguanay sang ila kaupod sa partido kaangay sa banwa sang Moises Padilla.