Arao relocation site sa Vista Alegre sa Bacolod ginpasanag

Matapos ang halos apat ka tuig nga kadulom, may kasanag na ang kapin 1,000 ka panimalay sa Purok Arao II, Arao Relocation Site sa Barangay Vista Alegre sa Bacolod City, bangud sa ginpatigayon nga pag-install sang mga bag-o nga suga sa lugar.

Personal nga ginbisitahan ni Bacolod City Mayor Greg Gasataya ang komunidad matapos mabaton ang reklamo sang mga residente sa kakulangan sang suga kag kulang nga suplay sang kuryente.

Sa iya pagtan-aw sa aktwal nga sitwasyon sang lugar, gilayon siya nag-coordinate sa City Engineer’s Office kag sa Negros Power agud mahatagan sang solusyon ang problema. Sa sulod lamang sang tatlo ka adlaw, na-install ang 62 ka bag-o nga streetlights.*

[sibwp_form id=1]