Dakop sa akto ang tatlo ka lalaki nga nagapang-vandal sa Purok Kabulakan 2, Barangay Singcang-Airport, siudad sang Bacolod Lunes sang kaagahon.
Ang mga nadakpan ginkilala kanday Glemar Gabuya, Roger Delfin kag Rey Cabison.
Ang tatlo naglapas sa ordinansa sang siudad angut sa Anti-Vandalism Ordinance of Bacolod City kag malicious mischief.
Nadakpan sila sa akto nga nagapang-vandal mataposnagpatigayon sang patrolya ang Task Force Vandalism sang Police Station 8.
Narekober gikan sa ila ang tatlo ka canisters sang spray paint nga may nagkalain-lain nga kolor. Yara karon ang tatlo ka lalaki sa kustodiya sang Police Station 8.
Sang nagligad nga semana gin aresto ang isa ka american citizen nga si Jean Clifford Rabinowitz matapos naaktuhan nga nagapang-vandal sa Burgos Street sa Bacolod.
Si Rabinowitz ang isa ka 30 anyos, temporaryo nga naga istar sa Rosario Heights Subdivision, Barangay Taculing, Bacolod City kag tumandok sang California, USA.
Narekober gikan sa iya ang 13 ka mga canister sang spray paint nga may nagkalain-lain nga duag.
Gin-detain man siya sa Police Station 4.