Aprobado na sang katapo sang Sangguniang Panlungsod sang Bacolod City ang apat ka bulan nga extension sa kontrata sang IPM-CDC halin Enero tubtob Abril 30, 2023.
Magluwas sa paghakot sang basura magapadayon man ang IPM-CDC sa pag-maintain sang sanitary landfill sa Barangay Felisa.
Suno kay city administrator Atty. Boyet Maghari, paagi man sa extension matagaan giya ang siudad sa pagtukod sang panibag-o nga kontrata para sa mga interesado nga kumpanya nga magahakot sang basura kag maga-maintain sang landfill sang siudad. Magluwas nga gina-finalize sang siudad
ang terms of reference, ginahulat man nila ang survey halin sa pribado nga komboyahan may kaangtanan sa waste analysis and characterization study nga manginbasehan sang kontrata. May walo tanan ka mga bidders ang nagpabutyag sang interes para sa waste collection kag maintenance sang landfill sang Bacolod.