Isa ka department store, pastry shop, salon, dressed chicken plant, kag mga boarding house sa Barangay 31, 17, 15, kag 13 ang ginpasira sang Business Permits and Licensing Office kaupod ang City Legal Office (CLO) sang Biyerens nga adlaw bangud sang padayon nga pag operate bisan wala sang business permits.
Suno sa pamuno sang BPLO nga si Stela Rose Rayos ang ginhimo sang amo nga mga establishment ang violation sang Revised Revenue Code of Bacolod City.
Dugang pa niya antes ginpasira ginpadal-an na sang notices ang ini nga mga establishment.
Subong nga semana may dugang pa nga mga establishment ang ipasira bangud sang kaparehos man nga bayolasyon.
43 tanan ka mga establishment ang natalana ipasira kag ang anum ang na una nga nasampolan pa lang.