Ang Power Watch Negros Advocates ang nag pa gwa sang ila nga position paper nga naga pakita sang ila nga opposition sa 43rd Annual General Membership sang Ceneco.
Sa panindugan sang Power Watch Negros Advocates, Incorporated, ginasupak sang AGMA ang parliamentary procedure. Suno kay Wennie Sancho nga secretary general, ang pagpatigayon sang AGMA ang iligal kag arbitrary bangud wala sang quorom.
Ang Ceneco AGMA ang natalana sa Setyembre 26 kag ini ang patigayunon online.
Suno sa Ceneco santo sa procedure ang pagpatigayon sang AGMA kag nasunod ang mga rekisitos. Ang board resoltuon para diri ang aprobado man sang National Electrification Administration suno sa Ceneco. Nag publish man sila sang amended by laws and notices.
Samtang isa man sa gina demanda sang consumer group nga mag paathag ang Ceneco sa ginsukot sini nga congestion charges sa mga konsumedor kag ang pag refund sini kasunod sang mando sang Energy Regulatory Commission sa Philippine Electricity Spot Market nga mag untat sa pagkolekta sang kantidad nga attributable sa amo nga outage.
Ang ERC bilang sabat sa reklamo sang mga electric consumers sa Western Visayas bahin sa pagsaka sang bili sang kuryente nga gina siling nag gikan sa na damage nga submarine cable sang National Grid Corporation of the Philippines ang nag mando sang pag pauntat sang pagpasukot sini.
Damlag pa sa interview sang media, nag siling na si Atty Dan Pondevilla sang Ceneco nga ila iga refund ini kag maga reflect sa masunod na nga billing.