Anay La Castellana SB Member Donato Natnat Dumaguit, nagsungka sa PNP kag nagpiyansa pero liwat siya nga ginserbehan sang panibag-o nga warrant of arrest.
Miyerkules sang nagsungka sa otoridad si anay La Castellana Sangguniang Bayan Member Dumaguit matapos nga madalahig sa recruitment scam sa mga luyag mangin pulis.
Suno kay Police Major Rhojn Nigos, hepe sang La Castellana PNP, nagsungka si Dumaguit sa adlaw man sang iya nga arraignment sa iya kaso.
Nag-piyansa siya sang ₱220,000 sa kaso nga 12 counts of estafa.
Pagkatapos nga makapiyansa, liwat siya nga ginserbehan sang Warrant Of Arrest sa dugang nga 11 counts of estafa.
Temporaryo nga gin detain si Dumaguit sa La Castellana Police Station.
Ginkakas sa pwesto si Dumaguit matapos ang 14 niya ka mga absences sa SP sessions.
Una nga na aresto si Mary June Delos Santos nga ginatudlo mastermind sa recruitment scam. 43 ka mga tagreklamo ang nakuhaan sang tig P247,000 kada isa sa pasalig nga madasig nga makasulod sa PNP.