Nagpadala sang sulat sa kay Senator Rodante Marcoleta ang abogado ni anay Negros Oriental 3rd District Rep. Arnie Teves nga naga siling nga handa ini nga mangin testigo may kaangtanan sa nagapadayon nga imbestigasyon sang Senate Blue Ribbon Committee sa ginaalegar substandard flood control projects.
Ginpahayag ni Teves pinaaagi sa iya legal counsel nga si Atty. Ferdinand Topacio nga luyag niya nga ipahibalo ang iya nga mga nahibaluan bilang isa ka anay mamalidha.
Si Teves nga naka detain sa karon bangud sang sampaw sampaw nga mga kaso angut sa kamatayon ni Negros Oriental Governor Roel Degamo ang naga pati nga ang iya ekperyensya bilang malawig nga katapo sang Kamara ang mangin mapuslanon para sa pag-imbestigar sang Senado.