Anay Bacolod City Mayor Monico Puentevella nagpahayag nga magahulat siya sang sakto nga panahon antes magdesisyon angut sa iya plano sa pulitika.
Masako karon ang pagbisita ni anay Mayor Monico Puentevella sa mga pampubliko nga lugar kasubong sa mga merkado.
Pahayag sang anay alkalde maluyag siya nga maglibot kag makigkita man sa iya mga abyan kag supporters kag bisan mga anay kasumpong sa pulitika.
Nalakip na diri si anay Mayor Evelio Leonardia nga karon ayuhay na sila patimaan diri ang pag-unong man sadto sa kalisod ni Leonardia sa pagtaliwan sang misis ni Puentevella.
Makapila man sila ka beses nga nakita nga magkaupod sa mga okasyon sa siudad kun diin yara man sanday Mayor Albee Benitez kag anay Mayor Joy Valdez.
Dugang ni Puentevella wala pa siya sang plano angut sa pulitika ilabi na karon nga nagahilapit ang 2025 local elections.
Panahon lang suno sa iya ang maka-dikta sa iya mangin desisyon kun magabalik siya sa pagpangalagad sa siudad.