27 tanan ka mga sachet sang ginapatihan shabu ang gin-alegar narekover sang katapo sang Police Station 1 sa buy-bust operation sa Purok Maabi-abihon sa Barangay 35 sa Bacolod kagab-i.
Subject sang anti illegal drug operation ang high value individual nga si Ana Crisostomo, 58 anyos nga isa ka anay bilanggo. Nadakpan man ang kaupod niya nga si Lee Jereza isa ka street level individual kag isa ka tricycle driver.
Ang nakumpiskar nga iligal nga droga sa duha ang nagabug-at sang 23 gramos kag nagabalor sang P156,400.
Sanday Crisostomo kag Jereza ang kasuhan sang paglapas sa RA 9165 ukon ang Comprehensive Dangerous Drugs Act of 2002. Sila ang gin detain sa Police Station 1.