Tatlo ka persona ang arestado sa buybust operation kagab-i sa Barangay 6 siyudad sang San Carlos.
Nalakip sa naaresto ang 40 anyos nga si Nestor Era Jr. nga anak ni Calatrava Mayor Marilyn Era.
Suno kay Lt Ruby Aurita, deputy chief sang San Carlos PNP, ang subject sang buybust amo si Chito Atienza kag natabuan nga yara man sa sulod sang balay sang subject si Era kag isa pa nila ka upod nga si Rosalia Nemenzo sang matabo ang buybust.
Si Era ang posible naga gamit sang iligal nga droga sa sulod sang balay suno kay Aurita bangud sa may na recover man nga shabu sa iya. Nakuha sa ila tatlo ang 13 tanan ka suspected shabu nga naga balor sa 102,000 pesos.
Suno sa kay Mayor Era, iya na gina tugyan sa otoridad ang iya nga anak kag wala niya gina tolerar ang gina himo sini. Yara na ini sa legal nga pang edaron kag naka hibalo na siya kuno ang ang eksakto kag indi. Dugang pa niya, dapat niya atubang ang konsikwensya sang iya nga ginhimo.