Naaresto man kahapon sa anti illegal drug operation ang anak sang incumbent councilor sang Tanjay City kag empleyado man sang siyudad nga si Neil June Manso, 37 anyos.
Si Manso ang gina kabig man nga high value individual.
Sandig sa report sang PDEA, sila ang nag patigayon sang search warrant operation sa balay ni Manso sa Barangay 4 sa Tanjay.
Didto nakuha sang operatiba ang walo ka sachet sang gina patihan shabu nga ginabulubanta naga balor sang 68,000 pesos.
Detained siya karon kag kaso nga paglapas sa RA 9165 ang ipasaka batuk sa iya.