Gin anunsyo na sang PAGASA pagsugod na sang Amihan season subong nga adlaw.
Ang Northeast Monsoon ukon ang Amihan amo ang nagadala sang mabaskog nga northeasterly nga hangin kag mabugnaw nga temperature sa masunod nga mga binulan.
Sang nagligad nga mga inadlaw ang high pressure area sa Siberia ang nagapabaskog kag naga dala sang northeasterly winds nga amo naman ang gina paabot nga maga apekto sa Northern Luzon sumugod subong nga adlaw ukon sa bwas, Miyerkules.
Ginapaabot man nga mas mangin mabugnaw na ang dapya sang hangin sa halos bilog nga pungsod sa madason nga mga inadlaw.