Sipalay City Mayor Gina Lizares nagpatigayon sang inspeksyon sa City Botanical Nursery agud tan-awon ang development sang City Botanical Nursery sa Brgy Manlucahoc sa Sipalay.
Plano sang siudad nga pagabuksan ini sa publiko kag magaserbe nga dugang nga atraksyon sa siyudad.
Ang nursery ang yara nahamtang sa nabukid nga bahin sang siudad kung sa diin kitaon man ang manami nga landscape sang Sipalay.
Ang nasambit nga nursery ang may yara sa karon sang nanari-sari nga klase sang tanom kag kahoy.
Padayon sa karon ang development sa amo nga lugar kaangay sang Clonal Nursery, Greenhouse, poultry pen, vermicomposting site kag dugang nga road access.
Ini ang maga serbe man nga dugang nga atraksyon sa mga turista nga maga padulong sa Sipalay.
Plano nga buksan sang lokal nga panguluhan sang Sipalay ang nursery sa publiko sa tion nga matapos na ang mga ginapatigayon pa sa karon nga mga development sa lugar.