Makita sa video nga may pila ka mga persona sa gihapon ang nagahaboy sang basura sa bahin sang Reclamation area. Hugot nga ginadumilian sang siudad ang paghaboy sang basura sa amo nga lugar bangud indi ini designated area.
Nakilal-an na sang Land Transportation Office ang tag-iya sang salakyan nga gingamit kag ini ang taga Barangay Bata.
Nagpasalig man ang ahensya nga maga-issue sila sang show cause order sa tag-iya sang salakyan.
Magluwas sini, may isa man ka persona ang nakit-an sa isa ka creek sa Barangay Mandalagan nga naga-ula sang iya basura.
Biyernes sang aga, Mayo 8, ginpatinluan na sang siudad ang Sulom creek sa Barangay Mandalagan.
Ginmanduan ni Mayor Greg Gasataya ang kapulisan kag City Legal Office nga maghimo sang tikang agud matapna ang amo sini nga mga insidente.
Damlag pa, ginpahayag na sang Bacolod Environment and Natural Resources ukon BENRO nga magahatag sila sang otoridad sa lima ka tiglawas sang tagsa ka barangay agud mangdakop sang mga illegal dumpers.
Sandig sa RA 9003 ukon Ecological Solid Waste Management Act of 2000, 1,000 tubtob 1,500 pesos ang multa ukon pagkapriso nga 1 tubtob 15 ka adlaw ang penalidad sang madakpan nga illegal dumper.
[sibwp_form id=1]