Digicast Negros

Aktibista gindakop bangud nakuhaan sang pusil

Gindakop sang Sabado sang kapulisan ang 26 anyos nga si Harlyn Balora sa joint operation agud kun tani serbehan sang warrant of arrest sa kaso nga homicide si Juanito Magbanua nga amo naman ang spokesperson sang Apolinario Gatmaitan Command sang New People’s Army.

Suno kay Police Captain Joseph Partidas, hepe sang Isabela PNP, si Balora amo ang naga serbe nga secretary ni Magbanua kag pareho sila nga nag palagyo sang gin serbe ang warrant of arrest. Tigayon nga nakapalagyo si Magbanua apang ila naman na corner si Balora.

Nakuha sang kapulisan sa iya ang isa ka armas kag mga bala kag magazine gani gin aresto siya sang PNP.

Gin kundenar naman sang mga progresibo nga grupo ang pag dakop kay Balora kag ila gina siling nga iligal ang pag aresto sa iya. Si Balora ang isa ka youth peasant organizer kag miyembro sang Anakbayan.

Kaso nga pag lapas sa RA 10591, 9516 kag Comelec gunban ang ipasaka sa iya sang PNP.

Exit mobile version
Skip to toolbar