Gin biktima sang robbery holdup kahapon sang hapon ang isa ka ahente sang sigarilyo kag driver sang iya gina sakyan nga van sa bahin sang Barangay Paraiso sa siudad sang Sagay.
Sa imbestigasyon sang Sagay PNP, may inug deliver kun tani ang ahente nga si Fernando Parlocha sa isa ka lugar sa Sagay sang hinali na lang gin papondo ang van sang motor kun sa diin sakay ang duha ka suspek.
Sila ang nag deklarar sang hold up kag gin kuha sa ahente ang P7,000 nga cash kag iya sini cellphone.
Indi man makilala sang duha ang mga suspek suno sa pulis bangud naka face mask ang mga ini.