Nagapanukot lang sa isa ka tiyangge sa Barangay Elihan sa Cauayan kahapon ang isa ka ahente sang tobacco company sang siya ang ginpalapitan sang isa ka lalaki ka gin tayaan sang armas kag nag deklarar sang hold-up.
Ginkuha sa biktima ang iya tablet, cellphone kag 10,000 pesos nga cash nga iya nakolekta. Ang isa naman ka upod sang suspek ang nag rekta sa delivery van kag didto ginkuha naman ang bag nga may mga charger.
Nakilal-an man sang kapulisan ang mga suspek paagi man sa mga gin pakita nga litrato sa mga biktima sang mga suspek man sa robbery holdup sa banwa.
Ini ang ikatlo na nga kaso sang robbery holdup sa mga panel van sa banwa humlain sang Hunyo. Samtang, isa man ka 48 anyos nga babayi ang gin holdup sa Barangay Pandanon Silos banwa sang Murcia sang Miyerkules.
Suno sa PNP, ang biktima ang nagapanglakaton lang sa dalan sang siya ang ginpalapitan sang armado nga suspek kag nag deklarar holdup. 9,000 nga kwarta sang biktima ang nakuha.
Apang matapos makilala sang biktima, tigayon man nga naaresto sang kapulisan ang suspek kag detained na siya karon sa Murcia PNP.