Philippine Institute of Volcanology ang Seismology ang adlaw adlaw nga maga analyze sang data sa bulkan Kanlaon.
Indi sila maka siling sa karong nga sarang nga ma downgrade ang alert status sang bulkan ukon ia pasaka ini.
Samtang, aerial survey ang ginpatigayon kaina sang aga sang PHIVOLCS upod ang Office of the Civil Defense sa bulkan Kanlaon kag sa palibot nga mga lugar.
Ginsiling ni PHIVOLCS Director Teresito Bacolcol nga luyag man nila nga maka pauli sa ila nga mga puluy-an sa tion sang Paskwa ang mga nag evacuate bangud sang Kanlaon eruption ugaling indi man nila ma control ang behavior sang bulkan.
Karon nga yara sa alert level 3 indi ma dula ang posibilidad sang hazardous eruption kag kun matabo igapasaka sa Alert level 4 ang Kanlaon.
Fluctuating ang data sa Kanlaon rason nga ang pag analyze sang data adlaw-adlaw man.
Kalmado gani ang Kanlaon kun ipa anggid sa nagliligad nga mga adlaw antes nga naglupok ini sang December 9.
Samtang pila sa initial nga findings sa aerial survey, nakasaad nga ang tanan nga ash emission kag eruptive activity ang gikan sa summit crater.
Wala sang fissure nga na observe nga na-develop sa northern summit flank.
May slight vog ukon volcanic smog nga na observe sa western side sang bulkan.
Maga pa gwa pa sila sang official report kun nahuman na ini.