Caught in the act sa sini nga video ang isa ka lalaki nga naga-ula sang basura sa higad sang baybay sa Barangay Punta Taytay sa Bacolod City.
Sang Mayo 24 natabo ang ini nga insidente kag ginpadangat ini sang isa ka concerned citizen sa Bacolod City Government.
Sandig sa pagpang-usisa sang barangay, isa ka staff sang isa ka beach resort ang amo nga lalaki.
Ginsiling ni Punong Barangay Cliff Orland Palma, nga ila na ginkadtuan ang amo nga resort agud mag-imbestigar. Suno sa pahayag sang tagdumalahan sang resort, ila kuntani itampok lang ang basura sa amo nga porsyon sang baybay kay nagapakay-o sila sang ila nga pika-pika.
Dugang sang punong Barangay, matapos nga ginsaway ang pag-ula sang basura, ginmanduan man sang kapitan ang resort nga pagkwaon ang mga basura nga yara sa amo nga bahin sang baybay.
Nakilala naman sang barangay ang lalaki nga nakita sa video kag ila na ini ginpatawag sa barangay agud mahatagan sang warning.
Nagpangabay ang punong barangay sa tanan nga mga tag-iya sang mga resorts sa Punta Taytay nga ipabalin ang katinlo sang baybay sa bisan ano man nga panahon.
Handa man nga mag pangdakop ang barangay sang mga persona nga ila makit-an nga nagapanghaboy sang basura sa mga indi designated areas.*
[sibwp_form id=1]