Nagdangat na sa 110 ang active Covid-19 cases sang Negros Occidental. Pero Health Capacity Utilization rate ang manubo.
Sa August 1 nga report sang Provincial Incident Management Team, 11 ang gin report new cases. Naga pati si Governor Eugenio Jose Lacson nga ang ini nga mga kaso mild lamang kag daku ang nabulig sang bakuna.
42.44 percent suno sa August 1 nga report sang DOH ang Health Capacity Utilization Rate sang probinsya.
Suno kay Dr Jessica Fama, sang PHO may pagsaka man sa kaso sang Covid sa iya paglantaw indi naman ini makabig nga alarming.
Pero dugang niya, indi dapat mag kumpiansa ang mga pumuluyo kay manubo pa sa gihapon ang vaccination coverage sang Negros Occidental.
Sa DOH report, 76.23 percent ang fully vaccinated sa Negros Occidental. 59.88 percent naman ang fully vaccinated sa mga senior citizen sini nga suno kay Fama amo ang vulnerable sa Covid-19.
Gina sugdan naman sa karon ang second dose sang booster shot sa mga dose anyos pasaka nga may co-morbidities nga immune-compromised.
“Subong ang average ta, ara ta sa 10 to 14 cases a day. Kun lantawon ta ang aton hospital indi pa gid man overhwhelmed, galling kay, ang aton nga vaccination rate manubo so indi pa kita kampante nga indi magtaas ang Covid tungod damo pa sang unvaccinated”, suno kay Fama.