Pagsugod sang bulan sang pebrero, nagsige sige ang pagsaka sang kaso sang Covid-19 sa Negros Oriental. Pero matapos mag peak sa 1,600 active cases, nag sige sige na ang pagpanaog sang kaso tubtob karon.
Sa latest data sang provincial IATF, 231 na lang karon qng active cases sa bug os nga probinsya. Nag record sang 40 new cases kag 286 new recoveries kahapon ang probinsya. Apat na lang ka LGU ang may masobra 20 ka active cases.
Gin papanaog naman sa alert level 2 ang Negros Oriental tubtob sa katapusan sang bulan bangud sang pagnubo sang kaso.
Samtang, nagapanaog man ang kaso sang Covid-19 sa Negros Occidental kag Bacolod.
1990 na lang ang active cases sa Negros Occidental nga may 32 new cases kahapon samtang 757 na lang ang active case sa Bacolod nga may 12 new cases lang kahapon