1,572 na sa karon ang active COVID-19 cases sang Negros Occidental.
Lima ka mga LGU ang may masobra sa isa ka gatos ka mga active cases.
Ang San Carlos City ang may pinaka mataas nga gin record nga kaso, 324 active cases. Ginlockdown na sang siudad ang Brgy Guadalupe kun sa diin na report ang mataas nga transmission sang COVID-19 cases.
143 naman ang active cases sang siudad sang Kabankalan.
Wala labot sang curfew nagmando naman ang siudad sang temporaryo nga pagpasira sang public plaza. Ang barangay market days para lamang sa nga basic nga kinahanglanon, ang mga non essential wala na ginatugutan.
127 ang active cases sang Cauayan nga nagpatuman na sang lockdown sa duha ka mga sitio kag disinfection sa municipal hall.
Ang Cadiz City naman 117 ang active cases. Gin paidalom sa skeletal force ang munisipyo kag ang iban naman naka work from home na.
109 ang active cases sang Bago City. 60 diri mga empleyado sang siudad. Sirado man ang city hall kag naka work from home na ang mga empleyado. Ang mga kalan an gin pakamaayo nga take out lang anay ang batunon kag temporaryo nga ginpasira ang Bantayan Park.
Isa sa ginalantaw ipatuman karon sang probinsya amo ang pag sira temporaryo sang mga tourist destination sa mga lugar nga may mataas nga kaso sang COVID-19.
Limitahan maan ang pwede makatambong sa kasal bunyag kag lubong.
Ipatuman man ang swabbing sa mga napatay nga nakitaan sang sintoma sang COVID-19.