91 percent sa target income para sa 2023 ang nalab-ot sang Provincial Economic Enterprise Development Department as of November.
Nagapati si Provincial Administrator Rayfrando Diaz nga sa karon amo man ang naga pungko bilang OIC sang EEDD nga kun ma kumpleto na ang report para sa bulan sang Disyembre malab-ot ukon malapawan pa ang target nga 257,934,002.46 pesos.
As of November ang total income nagdangat sa 234,738,358.38 pesos. Sa mga economic enterprise sa probinsya, ang CyberCentre ang highest income earner nga may 111,019,386. 58 pesos nga income. 148.03 percent sa target ang nalab-ot sini.
Naga sunod naman sa highest income earner amo ang Ayala rentals nga may 34,794,973.62 pesos income. 103.29 percent ang nalab-ot sini sa target. Suno kay Diaz dala man ini sang escalation clause sa rentals.
Ang food terminal may 10,447,303.05 pesos nga income, Mambukal 70,792,728.96 pesos kag Negros Residences 7,683,966.17 pesos. Suno kay Diaz ulihi na nga nag full swing ang operation sang Negros Residences bangud sang mga repairs rason nga 25.94 percent lamang ang sales performance sini.
Ang Mambukal may 71.81 percent kag gina paabot nga magasaka pa ini pagsulod sang record sang December labi na nga madamo pa ang iga collect.
Sang 2022, sa kasubong nga tion ang over-all efficiency ratio sang EEDD 73.41 percent.