Malapit sa 900 ka security personnel lakip na responder ang iga-deploy sa Panaad sa Negros Festival nga magasugod na sa Lunes nga adlaw.
Napaidalom naman sa Blue Alert ang Provincial Disaster Risk Reduction Management Council Emergency Operation Center.
Isa ka send off ceremony ang patigayunon bwas para sa Task Group Panaad Festival nga pagatapuan sang Negros Occidental kag Bacolod PNP, Bureau of Fire Protection, Provincial Health Office kag PDMPD.
Suno kay Provincial Administrator Rayfrando Diaz ang pagsaulog sang Panaad sa Negros Festival nga karon yara na sa ika 30 ka tuig ang pagpakita sang kultura, heritage kag sang pag isa sang mga taga Negros Occidental.
Sa tunga sang gina atubang nga pag panghangkat karon dala sang pag timbook sang presyo sang gasolina, suno kay Diaz ginpakaamayo sa gihapon sang probinsya nga padayunon ang selebrasyon.
May mga kontrata nga dapat kilalahon suno sa iya. Ginapaabot nga maga benepisyo ang turismo kag mga negosyo sa kahiwatan.
Mga performers nga gina paabot sa Panaad Festival ang Ben&Ben, Sexbomb, Kapamilya Karavan kag Parokya ni Edgar.*
[sibwp_form id=1]