Ang probinsya sang Aklan kag Guimaras ang 100 percent nga drug cleared. 67.89 percent naman sa mga barangay sa Negros Occidental ang drug cleared.
Sa datus sang Philippine Drug Enforcement Agency, 396 sa 601 ka mga barangay sa Negros Occidental ang cleared barangays kag 12 naman ang drug free barangays.
Ang Bacolod City ang may pinaka manubo naman bahin sa drug cleared barangays 14 sa 61 ka barangays ang na deklara nga drug cleared. Naga kasayuran nga 22.95 percent lamang sa kabilugan ang na deklara nga drug cleared.
Suno sa PDEA sa bilog nga pungsod ang Western Visayas ang ika lima sa may pinaka manubo nga drug affectation. May pagnubo man ukon pag ninit sang supply sang iligal nga droga sa rehiyon resulta sang pagsaka sang presyo sang iligal nga droga.
Gin siling naman ni Negros Occidental Governor Eugenio Jose Lacson, nga sa kampanya kontra sa iligal nga droga importante ang koordinasyon sang tagsa ka LGU sa PDEA kasubong man sa PNP.