Demolition sarang ipatuman sang siudad kun indi matigayonang negosasyon para sa mga informal settler families saMambuloc Creek.
Sa 26 ka mga informal settler families sa kilidsang Mambuloc Creek sa Barangay 8 sa Bacolod, 9 pa diri ang wala masayluhan kag kalabanan sa ila na-disqualify sa socio-economic survey sang Bacolod Housing Authority para sarelocation site.
Ang ila mga puluy-an ang kabahin sa mgakabangdanan nga nagaka-delay ang revetment kag flood wall project sang DPWH sa amo nga sapa.
Suno kay City Administrator Pacifico Maghari, III, liwat ngamagasapol ang siudad sa mga apektado nga pamilya upod samga natungdan nga ahensya agud nga matigayon ang negosasyon antes pa man posible ipatuman ang pag-demolish sang ila mga balay.
Humalin sang ginsuguran sang DPWH ang proyekto may pila nasa mga pamilya ang natagaan sang masayluhan nga lugar saPurok Arao relocation site sa Barangay Vista Alegre.
Iban sa ila ang boluntaryo man nga nag-demolish sang ila mgabalay.