894 ka mga pamilya sa Moises Padilla nagbaton sang ayuda halin sa P10M nga PAF nga gin-download sa probinsya

May 894 ka mga pamilya sa banwa sang Moises Padilla nga apektado sang bagyo Tino ang nakabaton na sang tig P1,600.

Ini ang gikan sa P10 million nga Presidential Assistance Fund ukon PAF nga gin download paagi sa gobyerno probinsyal.

Suno sa LGU ang mga pamilya nga nag baton ang gikan sa Barangay 1, 2, 3, 5 kag 7. Ini ang una nga batch.

Nalakip man sa first batch ang gikan sa Brgy Macagahay, Montilla kag Quintin Remo kag natalana pa ang distribution sini nga semana.

Ang P10 million nga PAF nga gin-download sa probinsya ang kinahanglan nga ma-distribute sa sulod sang 90 diyas.

Ang P10 million naman nga direkta ginhatag sa LGU sa idalom sang PAF ang natalana pa nga i-release. May delay ini suno sa LGU bangud may pag kambyo sa mga signatories sa Deed of Donation tuga sang pag-resign ni Undersecretary Adrian Bersamin sadto.

Gina klaro ni Mayor Ella Garcia-Yulo nga separado diri ang ECT ukon ang Emergency Cash Transfer sa idalom sang Department of Social Welfare and Development.

Sa katapusan nga semana sang Pebrero suno kay Garcia-Yulo na schedule ang releasing sang ECT para sa mga Tino affected families sa Moises Padilla.*

[sibwp_form id=1]