Masobra sa 23 mil ukon 86.5 percent nga yara sa A1 category ukon ang mga ginakabig medical fontliners sa probinsya ang nakabakuna sang first dose.
Sa datus sang Provincial Health Office, as of July 12, 23,069 ang nabakunahan sang first dose sang Covid-19 vaccine.
Sa masterlist sang PHO sa bulan sang Hunyo suno kay Dr Jessica Fama ang medical specialist 3 sang PHO 26,654 ka yara sa A1 ang dapat nga mabakunahan.
Damlag pa nag-abiso na ang DOH nga pag-abot sang July 19, dapat 90 porsiento na sang A1 ang nabakunahan.
34,327 naman ka mga senior citizen ukon yara saA2 category ang nabakunahan sang first dose as of July 12. Ang yara sa Jjune nga masterlist 244,274 ang dapat nga mabakunahan.
14.05 percent pa lamang ang nabakunahan sang first dose. Suno kay Fama, gina pa update sa karon ang masterlist, bangud posible tuman ka daku sang nangin projection para sa A2 category. 43,161 naman sa A3 ukon may mga co-morbidities ang nabakunahan. 97.4 percent ini sa target.
Suno kay Fama, depend na sa Department of Health ang paghatag sang go signal kun mag-idog na sa A4 category ukon sa mga essential workers kag uniformed personnel.
Isa man sa ginahatagan sang konsiderasyon amo ang availability sang supply sang bakuna.