Malapit 80% sang kapulisan sa probinsya, nabakunahan na.
Gin pahayag ni Police Lt Abegael Donasco, spokesperson sang Negros Occidental Police Provincial Office nga nag dangat na sa 1,723 ka mga pulis sa probinsya ang nabakunahan batuk sa Covid-19 lakip na diri si NOCPPO provincial director Col Romy Palgue.
645 ang nagbaton sang first dose pa lang suno kay Donasco, kag 1078 ang fully vaccinated na.
523 na lang suno sa iya ang tubtob karon wala pa mabakunahan kag naga hulat sang vaccine allocation gikan sa PNP headquarters.
May manug abot suno kay Donasco nga 900 ka covid-19 vaccine para sa mga pulis.
Gina paabot ni Donasco nga sa 4th quarter subong nga tuig, ma fully vaccinated na tanan nga kapulisan sa probinsya.
Duha na man lang sa karon ang active cases sang Covid-19 sang NOCPPO gikan sa 211 nga total cases.