Digicast Negros

8 nag positibo sa COVID-19 sa contact tracing nga ginpatigayon sa Cadiz City Hall 2

Matapos ginpatigayon ang contact tracing kag swabbing sa City Hall 2 ukon administrative building sang Cadiz City, walo na tanan ang nagpositibo sa COVID-19.

Suno kay Mayor Salvador Escalante, sa Lunes na maga bukas balik ang City Hall 2 kag naga work from home na lamang ang mga empleyado sa amo nga talatapan kag yara naman sa quarantine facility ang mga nag positibo.

Suno kay Escalante gin swab ang isa ka department head sang domingo matapos nga maglain ang pamatyag. Matapos nga nag positibo ginpatigayon ang contact tracing sa mga close contact ilakip na ang alkalde. sa 36 nga gin swab, lima ang nag positibo -tatlo ang empleyado kag duha ang pulis.

Liwat naman nga gin patigayon ang contact tracing sa mga close contact sang lima. Sa 55 nga gin swab duha naman ang nagpositibo suno kay Escalante.

Padayon karon ang contact tracing sa close contacts naman sang duha. Sa 25 nga active cases sang Cadiz, 19 ang mga stranded invidual. Sa 25 wala pa diri malakip ang bag o nga duha ka kaso. Local transmission naman ang natabo sa City Hall 2 suno sa alkalde.

Exit mobile version
Skip to toolbar