Digicast Negros

8 ka mga eskwelahan sa San Carlos City balik na sa face to face

Walo ka mga eskwelahan sa San Carlos City ang nag resume sa face-to-face classes.

Ini kasunod sang approval gikan sa lokal nga panguluhan kag Department of Education Region 6 sang nag ligad nga Marso 7.

Kalakip sa mga eskwelehan nga gintugutan para sa limited in-person classes amo ang San Carlos Milling Company, Inc. Elementary School, Congressman Vicente Gustilo, Sr. Memorial School, San Juan Elem School, Don Carlos Ledesma National High School, Florentina Ledesma Elem School, Malindog Elem School, Mabato Elementary School kag San Jose Elem School.

May 964 tanan ka mga learners ang yara sa alternate classes – face to face sa bilog nga semana kag modular form naman sang learning sa masunod nga semana.

Suno kay Schools Division Superintendent Anthony Liobet ang mga eskwelahan ang na ka comply sa mga direktiba sang LGU kag DepEd Central Office.

Ang mga manunudlo sa face to face classes ang fully vaccinated. Kun indi man sila ang gina require sang negative RT PCR test result sa kada duha ka semana.

Pero suno kay Liobet wala naman gin manduan ang mga estudyante nga magpabakuna pero kinahanglan ang parent’s consent kag pag sunod sa protocol para sa in-person classes.

Ang mga learners naman nga wala nahatagan sang parent’s consent para sa limited in-person classes ang naga padayon sa pag eskwela paagi sa online on modular forms.

Exit mobile version
Skip to toolbar