Walo ka mga banwa kag siudad sang Negros Island Region ang na upgrade na sa pink zone gikan sa red zone sadto ukon ASF infected zone.
Sa report sang Bureau of Animal Industry sa idalom sang Department of Agriculture, na upgrade na sa pink zone ukon buffer zone ang Escalante City, Kabankalan City, Hinigaran, San Carlos City kag Victorias City sa Negros Occidental kag Ayungon, Manjuyod kag Vallehermoso sa Negros Oriental.
Ini base sa September 24 nga report nga gin-release sang ahensya.
Ang pink zone ukon buffer naga kasayuran nga ang lugar wala sang current ukon active ASF cases. Naga tumod man ini sa lugar nga yara sa katupad sang isa ka red zone ukon infected zone ukon lugar man nga sadto anay na igo sang outbreak pero karon wala na sang may na detect nga virus kag recovering na.
Damlag pa ginsiling na ni Dr Placeda Lemana ang Provincial Veterinarian, nga wala na sang active cases sang ASF sa Negros Occidental.
Kun nalakip man sa red zone ang Hinigaran kag ang Silay City ini bangud nga wala pa sila maka submit sang naga kaigo nga dokumento pero wala na ang ini nga mga lugar sang active ASF cases sa masobra na sa 50 diyas.
[sibwp_form id=1]