Ginkinahanglan nga mahawanan ang mga areas nga tukuran sang mga amenities sa Bacolod Tree and Eco-Park sa Barangay Alangilan.
Gani naghinyo na sang resolution of no objection ukon RONO ang pamunuan sang Bacolod Environment and Natural Resources Office ukon BENRO para sa plano nga pag-utod sang 79 ka mga puno sang kahoy.
Ginsiling ni Ma. Fe Trespuentes, OIC sang BENRO, kabahin sa mga talapson nga kahoy mga mahogany kag iban pa nga native trees.
Pero nagpasalig siya nga may ara gilayon sang mangin replacement ang mga mautod nga kahoy nga kinahanglan para sa pag develop sang tree park.
Kapin sa P47M ang ginpain nga pondo para sa tree park nga may yara sang glamping area, picnic sites, cottages kag gazebo, reception hall kag viewing deck.
Ang Committee on Environment ang nagtalana sang public hearing angut sa request sang BENRO.