Nagsaka sa 78 ang volcanic earthquakes nga na record sang PHIVOLCS sa bulkan Kanlaon sa 24 hour monitoring report nila.
Suno sa PHIVOLCS balantayan sa masunod nga mga inadlaw kun maga padayon ini. Pero, dapat magapabilin nga alerto ang publiko.
Paathag ni Teresito Bacolcol ang Director sang Philippine Institute of Volcanology and Seismology ang volcanic earthquakes nagakatabo bangud sang pag crack sang mga bato sa idalom sang bulkan bangud sang magmatic intrusion ukon naga pangita sang alagyan ang magma.
Suno kay Bacolcol ang eruption process naga sugod sa mga volcanic-tectonic nga earthquakes kag kun mag sige naga dangat ini sa mga tremors.
Buot silingon ang volcanic earthquakes ang ginakabig panugod ukon initial stage.
Pero klaro niya, tungod lamang nga may pagsaka karon sa volcanic quakes, indi gilayon maka siling nga maga lupok na ang bulkan. Rason nga gina bantayan sang PHIVOLCS sa masunod nga inadlaw kun bala maga sige-sige ang kasubong nga sitwasyon.
Sa damlag advisory nga ginpa gwa nag abiso sila nga posible magadangat ini sa steam driven ukon phreatic eruption ukon short-lived weak to moderately explosive eruption.
Kaangay na lamang sa natabo kaina nga pagbuga sang bulkan Kanlaon humalin 6:37 sang aga tubtob 9:25 am, suno kay Bacolocol ang steam-driven.
“We have to check if this will be sustained, yung volcano-tectonic earthquakes in the next few days. But vigilant dapat yung mga tao. Kasi Kanlaon Volcano is on alert level 2.
Titingnan natin ito kapag magiging sustained yung pag increase ng volcano-tectonic earthquakes”, suno kay Bacolcol.*