77 anyos nga lola nga unvaccinated ika siyam nga napatay sa Covid 19 sang Lunes.
Ini ang base sa record sang Emergency Operations Center humalin Enero tubtob Abril karon nga tuig.
Suno kay Dr. Anna Maria Laarni Pornan, pamuno sang Bacolod EOC, nagalab-ot naman sa 54 ang active cases sa siudad.
Pero nagapabilin nga naka home quarantine ang kalabanan sa mganalatnan sang Covid 19.
Handa naman karon ang temporary treatment and monitoring facility sang siudad sa Barangay Vista Alegre para sa mga pasyente nga nagakinahanglan ma-isolate.
Si Mayor Albee Benitez nagmando na nga ipatuman ang mandatory use of face mask sa public transport kag health care facilities agud mapahagan-hagan ang nagasaka nga Covid cases sa siudad.
Nagahinyo man sa publiko ang alkalde angut sa pagsuksok sang face mask ilabi na sa nagahilapit nga kapistahan sa mgakabarangayan sa Bacolod.