Ginkumpirmar ni City Administrator Atty. Mark Steven Mayo nga pito sa 27 ka pamalay nga nakabaton sang notice to vacate sa Purok Balinday, Barangay 2 ang disqualified para sa relocation program.
Ini bangud bag-o lang sila nagpatindog sang ila mga balay sa amo nga lugar.
Ginpahayag man ni Mayo nga 18 ka house owners ang padayon nga nagaproseso sang ila relocation requirements sa siudad, samtang duha naman ka pamilya ang nauna na nga awardees sang relocation.
Dugang pa niya, indi na magdugayan kag mapahalin na ang mga nagapuyo mismo sa creek, bangud indi ini dapat himuon nga puluy-an kay delikado para sa mga residente.
Sang Oktubre sang gin-issue sang City Legal Office ang notice to vacate sa mga residente sang Purok Balinday.*