Mansig dul-ong kag sugat liwat ang mga ginikanan sa ila mga kabataan sa pagbalik sang limited face to face classes sa Andres Bonifacio Elementary School 2 sa Bacolod.
Suno sa school principal nga si Jenelyn Macitas, may isa ka gatus lang anay ka estudyante sa kinder asta grade 3 ang gintugutan sa pilot face to face classes.
Pero nalipay sila nga bisan paano nakabalik na sa eskwelahan ang mga bata makaligad man sang halos duha ka tuig nga distance learning tungod sang Covid-19 pandemic.
Magluwas sa ABES 2, ginsuguran naman ang klase sa tatlo pa ka mga elementary school kag tatlo ka mga high school sa Bacolod.
Pero gin ako sang mga manunudlo nga kinahanglan matagaan gid atensyon ang reading kag literacy program sa mga magagmay nga estudyante ilabi na nga manugtakop na ang school year.
Nauna na nga nakasugod sa face to face classes ang Alangilan National High School kag Apolinario Mabini Elementary School.
Nagsugod man ang pilot limited face to face classes sa University of St La Salle Integrated School sa idalom sang alert level 1 status sa Bacolod.