Humalin pa sang Domingo sang gab i nga indi magamit sang pila ka mga residente sang Villa Socorro Subdivision sa Barangay Taculing ang kolor kape nga tubig nga naga gwa sa ila nga gripo.
Pila sa ila nagpalab ot na sang reklamu sa Baciwa-Primewater. Ugaling naagahan lang kag wala gid na solusyunan ang problema sa turbid ukon mahigko nga water supply.
Sa official Facebook page sang Baciwa-Primewater ila ginpaathag nga ang intterupted water supply ang epekto sang nagluntad nga brownout sang Domingo.
Gani apektado man ang ila mga wells nga nagaserbe sa Barangay Taculing, Mansilingan, Felisa,Handumanan, Alijis,Pahanocoy, Tangub, Cabug, Pta.Taytay kag Sum-Ag.
Kaina makapila man ka beses nga nagpadulong sa Villa Socorro Subdivision ang taga Primewater agud ma amat amat balik sa normal ang supply sang tubig sa mga naapektuhan nga kunsomedor.