Patay ang pito ka tuig nga lalaki nga bata matapos nga makuryente sa park sa Barangay. Zone 4 siudad sang Cadiz Sabado sang gab-i.
Ang biktima grade 2 student kag residente sang Purok Salmon, Brgy. Zone 6 siudad sang Cadiz.
Suno kay Police Major Bonifacio Aral, Jr., Deputy Chief of Police sang Cadiz City PNP, nagahampang ang biktima kag posible bangud sang curiosity sang bata gintandog sini ang wire sa ground lights rason sang iya pagkakuryente Ginhingagaw pa dala sa ospital ang biktima apang gindeklarar nga dead on arrival.
Dugang pa sang pulis, gilayon man nga ginkadtuan sang City Engineer’s Office ang lugar agud mag pangusisa. Maga pagwa sila sang assessment subong nga adlaw.