Wala maka luwas ang Maragandang Bridge sa Brgy. Binubuhan, Bago City sa Bagyo Tino.
Ang taytay nga yara sa tunga sang Barangay Ilijan kag Barangay Maao sa Bago City, Negros Occidental, ang naguba bangud sang mabaskog nga baha.
Ang taytay kag ang hanging bridge nagakonekta sa Brgy. Binubuhan kag Barangay Ma-ao.
Madamo man nga mga panimalay nga malapit sa suba ang gin anod sang mabaskog nga baha. Masobra man sa apat ka motorsiklo ang gin-anod sang baha.
As of November 7, anum ang patay, lima ang missing sa Bago suno sa City Disaster Risk Reduction and Management Office.
Suno sa pinakaulihi nga record sang DRRMO, 4,279 ka pamilya ukon 14,547 ka indibidwal nga apektado sang bagyo.
Sa karon, padayon ang retrieval operation sang mga katapo sang kapulisan kag CDRRMO sa area.