6:35 Lunes sang aga, liwat nga nag buga sang abo ang Bulkan Kanlaon.
Ini ang nag lawig sang 80 minutes base sa record sang Philippine Institute of Volcanology and Seismology.
Ginsiling ni resident volcanologist, Mari-Andylene Quintia, nga humalin sang Sabado, Nov 14, anum ka beses na nga nag buga sang abo ang Bulkan Kanlaon.
9:30 sang gab-i sang Sabado una ini nga nag buga sang abo, sang Domingo, apat ka ash emission ang na-record kag gin-report ang ash fall.
Suno kay Quintia may ash fall nga gin-report sang Domingo sa Barangay La Granja, Araal, San Miguel kag Yubo sa La Carlota City, Brgy DSB sa Pontevedra kag Brgy Robles sa La Castellana.
Ika anum nga ash emission ang na -record Lunes sang aga.
Antes sang November 14 nga ash emission, October 17 pa ang ulihi nga na-record nga ash emission sang bulkan suno kay Quintia.
Ang kasubong nga mga activity characteristic sang isa ka bulkan nga yara sa Alert Level 2 kaangay sang Kanlaon.
Suno kay Quintia ang mga sunod-sunod nga ash emission wala man naga kasayuran nga patimaan sang eruption pero kay yara man sa alert level 2 ang bulkan indi man madula ang posibilidad nga may matabo gid man nga eruption.
“Bal-an man naton nga sa alert level 2, posible may matabo nga explosive eruption. Ang mga ash emission naton can be considered eruption, pero low energy siya, wala siya upod nga seismic signals, wala sang intra sound signals nga upod pero naga emit siya sang ash. In the past pila ka days, medyo taas ang aton sulfur dioxide nga emission so pwede na siya nga indication nga amo na siya ang nag trigger sining mga ash emission,” suno kay Quintia.
[sibwp_form id=1]