Sa banwa sang Don Salvador Benedicto pila ka mga establisimiento ang ginpasira bangud wala sang naga kaigo nga permiso.
Suno kay Mayor Marxlen Dela Cruz, may mga anum ka mga establisimiento ang gin pa untat operate tubtob nga maka kuha sila sang naga kaigo nga mga dokumento kag business permit.
May kapehan, restaurant, karinderia kag resort nga nalakip sa mga may pagsupak rason nga ginpasira sila sang banwa sa operation nga ginpatigayon kahapon.
May monitoring man ang banwa suno kay Dela Cruz sa mga social media sites. Naga serbe man ini nga paandam sa mga wala naga comply sa mga requirements nga nasaad sa laye.
Suno sa alkalde dugay na naga operate ang ini nga mga negosyo. Ginhatagan sila sang pila ka adlaw agudto mag process.
“First wala gid sang business permit dugay na sila naga operate. May ara man nagbayad lang resibo sila sa banwa pero wala na nila ginsige process, nga maka come up sila mayor’s permit. May ara man nga daw wala lang pero sa Facebook ga offer sila sang ila accommodation kag services daw wala gid nagkuha permit,” suno kay Dela Cruz.