Aprubado na sag National Electrification Administration ang anum nga adlaw nga pagpatigayon liwat sang plebisito may angut sa Joint Venture Agreement sang CENECO kag Prime Electric Holdings Incorporated.
Ang pamunuan sang CENECO ang naga paabot sang big turnout sang boto para sa gintalana nga anum ka adlaw nga plebisito.
Agosto 19 kag 20, 26 kag 27 kag Setyembre 2 kag 3 ang plebisito para sa Joint Venture Agreement sa tunga sang CENECO kag Primelectric Holdings Inc.
Halin sa 192,000 ka mga member consumers nangin 177,000 na lamang ang na-validate matapos ang cleansing nga ginpatuman.
Suno kay CENECO acting General Manager, Atty. Arnel Lapore, kalabanan sa mga nakakas sa masterlist mga double entries, mga nagtaliwan na kag pati mga streetlights nga nakapangalan sa member-consumers.
Pero kumpyansa si Lapore nga makuha ang big turnout sa mga boto ilabi na nga napalawig ang plebisito.
Ilakip man sa mga boto ang resulta sang nahauna nga plebisito sang June 24-25.
Magapabilin ang mga pagsulundan ilabi na ang bahin sa proxy voting.
Sa mga eskwelahan gihapon sa mga kabarangayan ang mga precinct assignments sang mga botante.